Monday, September 04, 2006

市場智慧

上週六到泳池游泳,泳池門外有人擺放了一幅宣傳「掛畫」,在暑假已經完結的時候宣傳游泳班。



「掛畫」的中間有一班穿著時尚的人士合照,看似近來經常見到的補習社廣告之中各位名師,男著西裝,女著套裝,極力擺出一臉殺死人的自信的合照,居然游泳班也來這一套。游泳教練不是應該展示一下肌肉或是完美體態才有更大的說服力嗎?

望真一點,不禁啞然失笑,相中其實是劉德華、梁朝偉等等的明星。原來是電影「無間道3之終極無間」的劇照。



為什麼「無間道」會跟游泳班扯上關係,我不明白。只想到有以下的三個可能:

1. 游泳班的老闆非常喜歡「無間道」。

2. 游泳班的老闆其實想做一幅似補習社的廣告,但是旗下的教練不爭氣,可能不願上鏡又或是上鏡的樣子太差,唯有找來劇照頂包。

3. 第三個可能,其實我未想到。

這種市場智慧,真的不是我等凡夫俗子能夠明白。

4 Comments:

At Monday, September 04, 2006 11:39:00 pm, Anonymous 尖東公關 said...

OK WOR,起碼花了你最少15分鐘寫,我用5分鐘睇.

 
At Tuesday, September 05, 2006 1:24:00 am, Anonymous One Ken said...

照畫解畫,照戲解戲囉:

(一): 無間道三有幾多位主角? 話明一對五嘛,即是如劉華等咁多個巨星都搞得掂啦!

(二): 無間道三有幾多款差人既Style? 四款呀! 陳道明、黎明、劉華、偉仔等都扮演不同警察角色。而林先生所提供的正是私授泳四式,所以真係各式其色,適隨尊便囉...

(三): 就個廣告其實不是林先生自己掛的,而是他的對頭人/仇人掛的,目的在唱衰他!
點解? 你知道無間道三的全名嗎? 就是終極無間! 掉落終極無間地獄,仲唔係終極賴野!

 
At Tuesday, September 05, 2006 11:37:00 am, Blogger Ka Lok said...

RE: One Ken

你呢一門「照畫解畫,照戲解戲」既電影符號分析的確厲害,不愧為一個真正的影痴,我都想學,佩服佩服!

呢D一對五、四款差人等於四式既解讀,我真係諗唔到。但係關於四款差人,其實有一個問題,就係剩低既陳慧琳又點算?唔通係游完四式之後有好正既事後服務?唔好誤會,想講既只係按摩治療、心理輔導等等。

其實暑假完左先黎宣傳游泳班,都已經係終極賴野!

 
At Tuesday, September 05, 2006 3:19:00 pm, Anonymous One Ken said...

其實我都係亂講一通之嘛,間游泳社根本就係亂Q咁0黎,求求其其整個無間道visual襯托背景,情況就係好似那些砵蘭街按摩廣告一樣是但找個日本靚女做poster! 其實邊度會係咁架拉...

 

Post a Comment

<< Home